Ürəklə bağlı müayinə deyəndə çox adamın ağlına yalnız EKQ gəlir. Əslində üç fərqli müayinə var və hər biri ürəyin ayrı tərəfini göstərir. Onları qarışdırmamaq lazımdır, çünki həkim şikayətə görə hansının lazım olduğunu seçir.
EKQ
Ürəyin elektrik aktivliyini və ritmini qiymətləndirir. Qısa çəkir, ağrısızdır və çox vaxt ilk addım kimi aparılır.
Exo (exokardioqrafiya)
Ürəyin quruluşunu ultrasəslə göstərir: qapaqlar, kameralar, ölçülər və yığılma gücü. Nəfəs darlığı, ayaqlarda şişkinlik və ürək qapaqları ilə bağlı şübhələrdə istifadə oluna bilər.
Holter
Gün ərzində ritmin necə dəyişdiyini izləyir. Bəzi problem yalnız müəyyən anlarda, məsələn yük altında və ya gecə ortaya çıxır. Adi EKQ o anı tuta bilməyə də bilər, Holter isə uzun müddət qeyd apardığı üçün belə dəyişiklikləri yaxalayır.
Hansı əlamətlərdə kardioloqa müraciət etmək lazım olduğunu Kardiologiya səhifəsində yazmışıq.
Bu məqalə maarifləndirici xarakter daşıyır və həkim məsləhətini əvəz etmir. Şikayətiniz varsa, mütləq mütəxəssisə müraciət edin.